Што задумаў Крэмль у дачыненні да Малдовы: аналіз экспэрта

На фоне гэтага ўлады Малдовы кансалідуюць грамадства.

Малдова ўжо 30 гадоў супрацьстаіць уплыву Крамля, а радыкалізацыя гібрыднай вайны РФ супраць яе адбылася пасля 14 снежня 2023 года, калі была прынятая пастанова аб пачатку перамоў Малдовы з ЕЗ. Пра гэта FREEДОМ расказаў дэпутат парламента Рэспублікі Малдова Аазу Нантай.

- Рэч у тым, што гэтая агрэсія працягваецца ўжо больш за тры дзясяткі гадоў. Я ўдзельнік падзей перыяду перабудовы і памятаю, як пасля прыняцця Дэкларацыі аб суверэнітэце парламентам Рэспублікі Малдова 23 чэрвеня 1990 года крамлёўская ўлада запусціла сепаратысцкія праекты, адзін з якіх - так званая Прыднястроўская Рэспубліка ў складзе СССР, для таго, каб заблакаваць працэс трансфармацыі былой саюзнай рэспублікі ў незалежную дзяржаву. У 1992 годзе адбыўся акт прамой узброенай агрэсіі Расейскай Федэрацыі супраць Рэспублікі Малдова, - нагадаў ён.

Са слоў Нантая, пасля няўдачы бліцкрыгу Пуціна ва Украіне, узрасла значнасць Рэспублікі Малдова.

«У Малдовы 1222 кіламетры агульнай мяжы з Украінай. Праз Малдову праходзяць важныя транзітныя шляхі. Малдова з'яўляецца краінай-суседкай з Еўразвязам і NАТО. І кіраваны хаос, які дырыжуецца з Крамля, значна прыслабіў пазіцыі самой Украіны. І радыкалізацыя таго, што мы называем гібрыднай вайной супраць Малдовы, адбылася пасля 14 снежня мінулага года, калі была прынятая пастанова Радай Еўропы аб пачатку перамоў Рэспублікі Малдова з Еўразвязам і Украіны з Еўразвязам аб уступленні ў Еўразвяз», — сказаў дэпутат.

Ён перакананы, што калі Малдова рэалізуе дзейсныя крокі для інтэграцыі ў Еўразвяз, гэта значыць, што Крэмль страціць шанс яе кантраляваць і ўтрымліваць, выкарыстоўваць левы бераг Днястра супраць суверэнітэту Малдовы.

Нантай адзначыў, што ў гэтай сітуацыі і адбываецца абвастрэнне гібрыднай вайны. Так, 21 красавіка малдаўскі алігарх Ілан Шор, асуджаны ў Малдове завочна на 15 гадоў пазбаўлення волі за банкаўскае махлярства, у Маскве абвясціў аб стварэнні палітычнага блока "Перамога".

“Я іх называю карычневакашульнікамі пуцінскімі, якія маюць заданне паслужыць своеасаблівай такой палітычнай групоўкай “Вагнер” для дэстабілізацыі сітуацыі ў Рэспубліцы Малдова. Пуцінскі рэжым не можа нават марыць аб тым, каб змяніць уладу ў Малдове праз сумленныя выбары. Таму пуцінскі рэжым робіць стаўку на дзяржаўны пераварот у абалонцы пратэсту мас і для гэтага выкарыстоўвае сваю агентуру, найбольш агрэсіўная частка якой засвяцілася ў Маскве. І нехта Ілан Шор разам з двума дамамі з гэтай групоўкі нават 9 траўня сядзелі на Краснай плошчы, - падкрэсліў Нантай.

Паводле ягоных слоў, у той жа час улады Малдовы кансалідуюць грамадства.

“У нас сур'ёзная падтрымка з боку Еўразвязу, з боку Румыніі. Мы ў шчыльнай камунікацыі і партнёрстве з Украінай. Таму гэты год абяцае быць гарачым. Пуцінскі рэжым хоча сарваць рэферэндум аб змене Канстытуцыі Малдовы і хоча сарваць прэзідэнцкія выбары. Але ў іх не атрымаецца”, - перакананы Нантай.